Düşmənin bir neçə hərbi obyekti, texnikası və şəxsi heyəti məhv edilib
Məlum olduğu kimi 2020-ci il iyulun 12-də Ermənistanın silahlı qüvvələrinin bölmələri Azərbaycan-Ermənistan dövlət sərhəddinin Tovuz rayonu istiqamətində atəşgah rejimini kobud şəkildə pozaraq artilleriya qurğularından mövqelərimizi atəşə tutublar. Düşmənə qarşı görülən sərt tədbirlər nəticəsində Ermənistan silahlı qüvvələrinin atəş mövqeləri, bir neçə hərbi obyekti, texnikası, tabor qərargahı və 30 nəfərdən çox şəxsi heyəti bölmələrimizin dəqiq və sərrast atəşi ilə darmadağın edilmişdir.
Azərbaycanın Müdafiə Nazirliyi tərəfindən yayılmış videolarda Ermənistan silahlı qüvvələrinə cavab olaraq düşmən mövqelərinə güclü zərbə endirilməsi ilə qarşı tərəfin xeyli sayda canlı qüvvəsi və texnikasının məhv edildiyi aydın görünür.
Bundan sonra da Azərbaycan sərhəddini pozmağa cəhd edən düşmənə Azərbaycan Silahlı Qüvvələri tərəfindən sarsıdıcı zərbə endiriləcəkdir.
