Ermənistan uzun müddətdir ki, belə hərbi avantüralar yolu ilə üzv olduğu Kollektiv Təhlükəsizlik Müqaviləsi Təşkilatını (KTMT) Ermənistan-Azərbaycan münaqişəsinə cəlb etməyə çalışır

Son günlər işğalçı Ermənistan silahlı qüvvələri atəçkəs rejimini kobud şəkildə pozaraq artilleriya qurğularından  istifadə etməklə Ermənistan və Azərbaycan dövlət sərhəddinin Tovuz rayonu istaqamətində  Azərbaycan silahlı qüvvələrinin mövqelərini atəşə tutub. Azərbaycan silahlı qüvvələrinin cavab atəşi və əks həmlə tədbirləri nəticəsində Ermənistan silahlı qüvvələrinin hücum cəhdinin qarşısı alınıb. Azərbaycan silahlı qüvvələri  vəziyyətə operativ nəzarət edir. Ermənistan tərəfi hər hansı ərazi əldə etməyə müvəffəq olmayıb.

Burada məkrli plan ondan ibarətdir ki, düşmən artıq Qarabağda deyil, Ermənistanın ərazisində  çaxnaşma yaratmaq, vəziyyəti gərginləçdirərək  Kollektiv Təhlükəsizlik Müqaviləsi Təşkilatını  (KTMT)  bu məsələyə cəlb etmək istəyir.  Düşmənin planı məhz bundan ibarətdir.   Azərbaycanın Ermənistan istisna olmaqla bütün KTMT ölkələri ilə dostluq münasibətləri vardır. Əminik ki, KTMT ölkələri Ermənistanın məkrli niyyətini yaxşı başa düşürlər.

İyulun 13-də keçirilən Təhlükəsizlik Şurasının  iclasında məsələyə siyasi və hüquqi qiymət verildi.  Azərbaycan Respublikasının Prezidenti qeyd etdi ki, beynəlxalq təşkilatlar bu məsələ ilə ərtraflı məlumatlandırılacaq.

Beləliklə,növbəti dəfə uğursuzluqla üzləşən Ermənistanın daha bir təxribat planı fiaskoya uğradı. Raşinyan  hakimiyyəti indi də məsələnin mahiyyətini gizlətməyə, yalan məlumatlarla beynəlxalq və yerli ictimaiyyəti çaşdırmağa çalışır. Ermənistan hakimiyyətinin uydurmaları, ölənlər haqqında  məlumatları gizlətməsi Ermənistan ictimaiyyətində ciddi narazılıq doğurub. Ermənistanda etiraz aksiyalarına başlanılıb, fəallar sosial şəbəkələrdə Ermənistan hakimiyyətini ciddi tənqid edirlər.

Ermənistanı hakimiyyətinin guya Azərbaycan hərbi bölmələrinin mövqeyini ələ keçirməsi, yeni yüksəkliklər  əldə etməsi barədə iddialar yalan və dezinformasiyadan başqa bir şey deyil.

Düşmənin təxribatı bizim mübarizə əzmimizi qıra bilməz.